Charlotta - Fletir

Sýning á málverkum í Art-Iceland
5 - 19. október 2007



  Snæfellsjökull, Charlotta Sverrisdóttir - Olía á striga, 150x100 cm.
 

Charlotta sýnir afrakstur vinnu sinnar eftir námið í sumar. Þar sem hún var í Master class tímum hjá Bjarna Sigurbjörnssyni.  Enn sem fyrr spila sterkir litir aðalhlutverkin í myndunum. Hún notar hreina liti og hliðstæða ásamt andstæðum litum í verkin.  Hún byrjaði að hugsa verkefnin út frá landslaginu en tók svo að einfalda flötinn þannig að eftir standa fletir en þó gægist landslagið í gegn.

Þannig varð t.d. fyrsta myndin - Snæfellsjökull, sem er hér fyrir ofan síðust í ferlinu. 

Sýningin stendur yfir í tvær vikur og mun Charlotta vera við vinnu sína í galleríinu  báða sunnudagana þann 7. og 14. október frá kl. 14 - 16.

www.art-iceland.com/charlotta-s-isl.html

Veturinn 2000-2001 stundaði hún  nám í Fine Arts, þ.e.a.s. vatnslitun, olíumálun, teikningu, portrait, modelteikningu og  listasögu í myndlistadeildinni í Long Beach City College í Californíu og lauk því með hæstu einkunn eða:

 “Dean´s high honor student”.

Andrúmsloftið og litagleðin í Californíu heillaði hana  mikið og kemur það einkum fram í sterkum litum sem hún heillast mjög af  og  einkennir  mikið verk hennar.

Síðast liðin 6 ár hefur hún  stundað nám við olíumálun við Myndlistaskóla Kópavogs undir leiðsögn Margrétar Jónsdóttur  listmálara og Bjarna Sigurbjörnssonar og tók þátt í Master class tímum hjá honum sl. sumar.

Auk þess hefur hún  tekið þátt í samsýningu í Huntington Beach Art Center í Huntington Beach, Californíu, vorið 2001 og í tveimur samsýningum á vegum Art-Iceland síðasliðinn vetur.

Ágúst Bjarnason
"Segðu í breiðar byggðir"

Sýning á Thorvaldsen Bar í október.
 

Rauði þráðurinn - Ágúst Bjarnason - Dúkrista og vatnslitur
 

Ágúst Bjarnason sýnir á Thorvaldsen Bar í október á vegum Art-Iceland.   Fyrirsögnin er tilvísun til miðbæjar Reykjavíkur.  Ágúst sýnir dúkristur og vatnslitamyndir sem gefur skemmtilega stemningu á Thorvaldsen.  Hér sjáum við margra ára vinnu við skissugerð, dúkristu og vatnslitun.

Ágúst Bjarnason er fæddur í Reykavík 1956.  Hann ólst upp í Kópavoginum, en flutti aftur til Reykjavíkur á unglingsárunum og hefur búið þar síðan, með nokkurra ára viðkomu í Stokkhólmi.

Ágúst stundaði nám við Myndlista-og handíðaskólann og útskrifaðist þaðan úr grafíkdeild árið 1986.  Í Stokkhólmi stundaði hann nám í listasögu við háskólann og hér heima hefur hann sótt kúrsa í heimspeki og miðaldabókmenntum við Háskóla Íslands.

Ágúst hefur unnið að list sinni allar götur síðan 1980 og hefur komið víða við.  Má þar nefna teikningar, koparætingu, vatnslitamálun og nú síðustu ár dúkristur.  Einnig hefur hann myndskreytt nokkrar bækur, hannað bókarkápur og komið við sögu við gerð "storyboard"-verkefna í kvikmyndagerð.  Meginviðfangsefni hans hefur verið Reykjavíkurborg og umhverfi hennar, fólk og sjómennska. 

Ágúst hefur haldið nokkrar einkasýningar og tekið þátt í samsýningum, bæði hérlendis og erlendis.  Hann er meðlimur í Sambandi íslenskra myndlistarmanna (SÍM).

Sjá nánar hér:  

www.art-iceland.com/agust-bjarnason-isl.html

www.art-iceland.com/stikad-upp-skolavordustiginn.html

Álfheiður Ólafsdóttir - Líf framundan

 "Farandsýningin" Líf framundan verður sett upp í galleríinu Art-Iceland í lok október.

Nánar verður fjallað um Líf framundan í næsta fréttabréfi, þegar nær dregur.

Nýjar greinar á Art-Iceland.com

Charlotta - Fletir í Art-Iceland
Charlotta sýnir afrakstur vinnu sinnar eftir námið í sumar. Þar sem hún var í Master class tímum hjá Bjarna Sigurbjörnssyni. Enn sem fyrr spila sterkir litir aðalhlutverkin í myndunum. Hún notar hreina liti og hliðstæða ásamt andstæðum litum í verkin.

Bjartur sýnir í Art Iceland
Eyjólfur Bjartur Eyjólfsson opnaði sýningu á teikningum og akrílmyndum þann 15. september kl. 14 - 16. í Art-Iceland Skólavörðustíg 1a.

Listaverkalán

Sjá nánar hér.

Íslensk List - Ljós og Lifandi

Skólavörðustíg 1A

562 2890 / 698 2919