GSM og Álfheiður
List Hjartans

Gunnar S. Magnússon og Álfheiður Ólafsdóttir opnuðu sýningu í galleríinu Art-Iceland.com Skólavörðustíg 1a þann 25. nóvember frá kl. 12.00 -14:00 Sýningin stendur yfir til 9. desember 2006.

Gunnar S. Magnússon sýnir portrait teikningar sem eru unnar á milli 1950 - 2000. Við hjá Art-Iceland.com köllum verkin hans list hjartans. Einlægni og hjartagæska í lífi og list. Það þarf mikinn kjark til að vera einlægur í samskiptum við aðra og fylgja sannfæringu sinni. En það borgar sig og við stöndum sterkari á eftir. Lífsreynsla fólks gerir okkur að þeim manneskjum sem við erum.

 

Álfheiður Ólafsdóttir fær kraft sinn og orku frá íslenskri náttúru og er það hugarfarið og utanaðkomandi áhrif hverju sinni sem leiða hana áfram í listsköpun hennar. Álfheiði tekst að opna flóðgáttir tilfinninga og færa yfir á léreftið í óheftu litaflæði. Með verkum sínum nær hún þannig beinu sambandi við þá sem njóta.

Samsýning Gunnars og Álfheiðar er þáttur í breyttum áherslum gallerísins Art-Iceland.com. Verða fleiri áhugaverðar sýningar bæði einstakra listamanna auk samsýninga.

Erlingur Gíslason við portrait af sjálfum sér frá sjöunda áratugnum.

Egill Ólafsson tónlistarmaður á spjalli við Bjarna Valtý Guðjónsson.

Karl Guðmundsson og Kjartan Guðjónsson létu sig ekki vanta.

Við bendum þér á vefinn Art-Iceland.com til að skoða fleiri verk þeirra Álfheiðar og Gunnars nánar:

http://art-iceland.com/gunnar-s-magnusson-isl.html

http://art-iceland.com/alfheidur-isl.html

Álfheiður Ólafsdóttir