Steinunn Einarsdóttir

Litbrigði eyjanna

Steinunn Einarsdóttir er fædd 1940 í Vestmannaeyjum. Hún bjó í Ástralíu í rúm 27 ár, þar sem hún nam myndlist í Háskóla TAFE í Townsville. Útskrifaðist sem myndlistamaður í Visual art and Design 1994. Steinunn hefur unnið sem myndlistamaður síðan 1995.

Steinunn er bæjarlistamaður Vestmannaeyja 2004. Hún var nýlega með sýningu í sýningarsal Gallerí Prýði í Vestmannaeyjum. Þema sýningarinnar var náttúran og gömul hús. Hún vinnur í blek, vatnsliti, olíu og pastel. Steinunn hefur haldið fimm einkasýningar og tekið þátt í þremur samsýningum síðan hún fluttist heim frá Ástralíu.

Steinunn fær orku og hugarflug frá náttúrunni og frábæru litasamspili hennar.

"Litbrigði leika stóran þátt í myndsköpun minni því litir tala sínu máli sem og formið"

Steinunn Einarsdóttir hefur haldið fjölda námskeiða í myndlist. Hún kennir á Höfn í Hornafirði og Vestmannaeyjum. Námskeiðin hennar eru vinsæl og hefur Steinunn hlotið viðurkenningar fyrir að efla áhuga fólks á myndlist.

Verk í opinberri eigu eru hjá Byggðasafni Vestmannaeyja, Barnaskóla Vestmannaeyja, Samkomu- og Ráðstefnuhúsinu Höllinni Vestmannaeyjum og Norsku Stafkirkjunni í Vestmannaeyjum.

Steinunn er félagi í SÍM.

.
Sjávarlíf (40x50 cm.)
olía á striga
Steinunn Einarsdóttir
55.000 Kr.