Líf Framundan - Álfheiður Ólafsdóttir

Í Kirkjuhvoli Akranesi - laugardaginn 11. ágúst 2007 kl: 14-18

Álfheiður Ólafsdóttir sýnir olíumálverk í Listasetrinu Kirkjuhvoli Akranesi. Kirkjuhvoll er við hliðina á sjúkrahúsinu á Akranesi.

Sýningin Líf framundan er framhald af sýningunni Álfar og tröll sem var á Bæjar- og bókasafninu á Selfossi í sumar. Sýningin á Selfossi var í tilefni af sumarlestri bókasafnsins. Álfheiður fetar nú áfram veginn í heimi álfa, trölla og huldufólks.

Álfheiður hefur fengist við myndlist síðastliðin 17 ár bæði í formi grafískrar hönnunar og málverka. Hún útskrifaðist frá Myndlista- og handíðaskóla Íslands 1990. Álfheiður hefur haldið fjölmargar einkasýningar og árið 2000 gaf hún út barnabókina Grímur og Sækýrnar. Olíumálverk úr þeirri bók verða einnig til sýnis á Kirkjuhvoli.

Þjóðtrúin er sterk í Fljótshlíðinni þar sem Álfheiður er alin upp. Álfabrenna er árlegur viðburður og svo má ekki gleyma nykurvatninu sem er staðsett í Fljótshlíðinni.

Barn sem elst upp við sögur af álfum, vættum, sækúm og tröllum geymir með sér sögurnar og nýtir sér ævintýri þeirra sagna seinna á ævinni.

Sýningin stendur yfir til 26. ágúst.

Sjá nánar um listaverk Álfheiðar hér: http://www.art-iceland.com/alfheidur-isl.html

Mar á Thorvaldsen Bar

Helga Sigurðardóttir sýnir á Thorvaldsen Bar frá 16. júlí - 27. ágúst. Sýningin ber heitið Mar.

Orkan og krafturinn frá hafinu og umhverfi þess er drifkrafturinn í verkunum á sýningunni. Upplifun listamannsins er hann dvaldi á lítilli suðrænni eyju koma sterklega fram í skærum litum. Ósjálfrátt kemur þessi lífsreynsla fram í myndunum.

Andstæður hafsins hafa áhrif, annars vegar magnþrungnar frissandi öldur og hins vegar stemningin sem verður þegar sólin sindrar á spegilsléttum haffletinum. Iðandi fuglalíf í siglingu kringum Vestmannaeyjar og stökkvandi höfrungar við bátsstefnið í Kyrrahafinu hefur greipst í hugann og koma fram sem ímyndir fugla og sjávardýra á myndfletinum í abstrakt formi.

Verkin eru unnin með olíu á álplötur og olíu á striga.

Sýningin Mar stendur frá 16. júlí til 27. ágúst.

Sjá nánar hér:
www.art-iceland.com/helga-sigurdardottir-isl.html
www.art-iceland.com/mar-helga-sig-syning-art-iceland.html

Nýjar greinar á Art-Iceland.com

Risessan og risinn faðir hennar
Einu sinni var stúlka sem ólst upp með föður sínum, hún var góðhjörtuð og velviljuð, en faðir hennar var rustamenni. Þótt að stúlkan væri ung að árum fannst henni að hún þyrfti að bera ábyrgð á föður sínum.

Mar - sýning Helgu Sigurðardóttur
Helga nefnir sýninguna Mar. Hafið í öllum sínum fjölbreytileika er innblástur sýningarinnar. Orkan og krafturinn frá hafinu og umhverfi þess er drifkrafturinn í verkunum. Upplifun listamannsins er hann dvaldi á lítilli suðrænni eyju koma sterklega fram í skærum litum.

Listaverkalán

Sjá nánar hér.

Íslensk List - Ljós og Lifandi

Skólavörðustíg 1A

562 2890 / 698 2919