|
List barna - Blekmyndir
Ég geri mér grein
fyrir að margir hafa látið börn á leikskólum vinna með blek og
vatnsliti. Hér er sú aðferð notuð sem flestir þekkja.
Að teikna fyrst með klessulitum og mála með bleki á eftir síðan
eru myndirnar látnar þorna og næst þegar við förum að vinna við
þær þá fá börnin efnivið sem passar hverju sinni. Myndirnar sem hér eru sýndar eru verkefni úr veröld hafsins og
vorum við búin að skoða fiskabækur og syngja um fiskana.
Að syngja er mjög góður undirbúningur fyrir myndlistina. Þegar
þau fá í hendurnar skífur sem líkjast augum þá birtast ýmis
skrímsli og furðufiskar.
Aðferð: Notið grunnlitina: Gulan,
rauðan og bláan. Það má gjarnan þynna litina aðeins með vatni.
Jafnvel er nóg að gefa þeim tvo liti í einu annars er hætta á að
myndin verði dökk jafnvel brún. Gulur og rauður eru fínir saman
annars vegar og hins vegar blár og gulur. Minnstu börnin gera
oftast nokkra hringi eða eina stroku sem okkur finnst hvorki
fugl né fiskur. Þá koma litlu skífurnar að góðu gagni, þá eru
allt í einu komin hin furðulegustu dýr sem eflaust eru til í
sjónum ef vel er að gáð. Þau ráða hvar augun eiga að
vera staðsett og oft finna þau stað á myndinni sem okkur finnst
ekki passa en það er einmitt það skemmtilega við myndlist barna
þau eru svo frjáls og óspillt í listsköpun sinni.
.
Álfheiður Ólafsdóttir
|
|
