Vefsetur fyrir Íslenska myndlistarmenn

Art-Iceland.com er vefsetur fyrir Íslenska myndlistamenn og erlenda unnendur myndlistar. Þetta er vefur sem gefur íslenskum myndlistamönnum tækifæri á að kynna og selja íslenska myndlist um víða veröld. 

Á þessum vef munum við vefstjórarnir Álfheiður og Þrándur sjá um að hver listamaður fái notið sín til fullnustu.  Til þess að svo megi verða þá sinnum við hverjum einsökum listamanni sérstaklega. Við munum bjóða þér að skrá þig á vefinn og senda okkur myndir af verkum þínum.  Að sjálfsögðu er þægilegast að nýta sér tæknina í þessum tilgangi og taka myndir af verkunum á stafræna myndavél.

Þú sem listamaður getur í raun fengið þinn sérstaka vef undir
Art-Iceland.com. Dæmi um þetta gæti verið http://www.art-iceland.com/alfheidur. Þannig getur þú kynnt slóð sem auðvelt er að muna og kynna sem þína eigin heimasíðu. Art-Iceland.com vefurinn er mikið heimsóttur af fólki hvaðanæfa að úr heiminum og getur þannig opnað algerlega nýja vídd í kynningu og aðgengi að áhugasömum kaupendum listaverka.

Það er ekki til neinn sambærilegur vefur hér á landi svo við vitum.

Við gefum út fréttabréfið Art-Iceland Newsletter sem bætir enn möguleika á markaðssetningu. Í fréttabréfinu verða fréttir af Íslensku listalífi, allir nýir listamenn kynntir og þeir geta sett inn tilkynningar um sýningar og aðra viðburði.

Art-Iceland.com hefur mikinn metnað fyrir hönd Íslenskrar myndlistar.  Einungis  upprunaleg verk af hæsta gæðaflokki eru til sölu.

Þegar einhver kaupir listaverk af þér, þá fara greiðslur fram með öruggum hætti með notkun greiðslukorta. Þú sérð um að pakka verkinu á öruggan máta. Við sjáum síðan um að sækja verkið til þín og senda það til kaupanda.

 

Kostir

• Þín eigin heimasíða
  Upplýsingar um þig og listaverk þín.

• Alþjóðleg kynning
  Heimsóknir á Art-Iceland.com eru aðallega frá áhugasömum listunnendum um allan heim. Vefur sem er mikið heimsóttur gefur gríðarlega möguleika á sölu listaverka.

• Hagstætt
  Kostnaður við að setja upp eiginn vef getur orðið talsvert mikill. Bæði tekur mikinn tíma að vinna efni á vefinn, en auk þess þarf vefurinn að vera snyrtilega hannaður og krefst nokkurrar þekkingar.

• Sala
  Með því að selja myndir á vefnum verður til enn ein stoðin í sölukerfi þínu. Það er fyrirhafnarlítil og þægileg aðferð.

• Vera í hópi virtra listamanna
  Það er traustvekjandi fyrir kaupendur að sjá nafn þitt innan um aðra viðurkennda listamenn.

• Fréttatilkynningar
  Þú getur sent fréttatilkynningar um opnun á sýningum eða öðrum viðburðum.

• Framtíðarviðbætur
  Von er á ýmsum nýjum kostum í náinni framtíð. Þeir verða kynntir eftir því sem þeir verða útfærðir.
   

Skilmálar

• Innkomugjald
  Innkomugjald á vefnum er 12.000 krónur, fyrir utan VSK. Á þessu ári bjóðum við 50% afslátt. Innkomugjald er því nú 6.000 krónur auk 1.470 króna í VSK, samtals krónur 7.470. Innifalið í innkomugjaldi er að við tökum myndir af verkunum og skráum inn upplýsingar um þig sem listamann og listaverkin.

• Árgjald
  Árgjaldið er 12.000 krónur auk 2.940 króna í VSK, samtals krónur 14.940. Innifalið í árgjaldi eru allar uppfærslur á heimasíðunni.

• Söluþóknun
  Söluþóknun er samningsatriði við listamenn.

• Sendingarkostnaður
  Sendingarkostnaður FedEx greiðist af viðtakanda og leggst við verðið á vefnum, þ.a. þú þarft ekki að hafa sérstakar áhyggjur af honum. Kostnaðurinn fer eftir þyngd og/eða umfangi ásamt því hvert í heiminum á að senda verkið. Sendingarkostnaður er reiknaður út í hvert skipti sem pöntun kemur inn.

 

Skráning á vefinn

Við munum setja upp vefsíðu með nöfnum allra listamanna sem það vilja. Skráning á nafnalistann er ókeypis og án skuldbindinga. Ef þú vilt að við birtum tengil á heimasíðu þína göngum við út frá að á þeirri síðu sé tengill á Art-Iceland.com.

Við hlökkum til að starfa með þér að framgangi íslenskrar myndlistar.

 

Svæði sem merkt eru með stjörnu þarf að fylla út. Nafn* Nafn* Tölvupóstur (ekki birt á vefnum) Heimasíða Kennitala Heimilisfang Póstnúmer Staður Sími GSM Listgrein ---Select---\n Vatnslitun Olíumálun Textíl Skúlptúr Grafík Glerlist Leirlist Ljósmyndun Myndbönd Nýlist Annað Hefurðu áhuga á að vita meira um Art-Iceland.com? Já Skilaboð

 

 

 

 

 

 

 

 

 

 

 

 

 

 

 

 

 

 

Álfatungl ehf.

Vefurinn er unninn af Álfatungli ehf. 

Álfatungl ehf. sérhæfir sig í að aðstoða fyrirtæki við högun og útfærslu upplýsingatækniverkefna. Sérstök áhersla er á gerð vefsetra fyrirtækja og einstaklinga með áherslu á markaðssetningu, grafíska hönnun og upplýsingaskipulag. Þjónusta okkar er til reiðu með skömmum fyrirvara og er afar sveigjanleg.

Álfatungl ehf. sinnir hugmyndavinnu, markaðssetningu og útfærslu vefsetra. Áherslan er á að vefir sem fyrirtækið setur á fót séu vinsælir hjá lesendum jafnt sem leitarvélum.

Fyrsti vefurinn sem fór í loftið heitir 4x4OffRoads.com. Hann er ætlaður fyrir hinn einskumælandi heim. Þar hyggjumst við koma á framfæri íslenskri þekkingu á jeppamennsku. Vefurinn er nú þegar kominn í hóp 1% vinsælustu vefsetra í heiminum og stefnir enn hærra.  

Starfsmenn Álfatungls:

Álfheiður Ólafsdóttir er framkvæmdastjóri Art-Iceland og starfar einnig sem grafískur hönnuður, listmálari og vefstjóri. Álfheiður sér um samskipti við listamenn og er listrænn ráðunautur vefsetursins.

Þrándur Arnþórsson er framkvæmdastjóri Álfatungls ehf. sem á og rekur nokkra vinsæla vefi: Art-Iceland.com, 4x4OffRoads.com og Digital-Photo-Web.com

Ef þú hefur einhverjar athugasemdir eða hugmyndir sem varða innihald og/eða efnistök vefsins viljum við gjarnan að þú hafir samband við okkur.