Árni Rúnar Sverrisson

Frumgróður jarðar

Árni Rúnar Sverrisson er undir sterkum áhrifum frá litbrigðum og formum frumgróðurs jarðar. Á löngum göngum um hálendi Íslands hafa sprottið þessar hugmyndir af svo sérstæðum málverkum Árna. Ef við rýnum niður og dáumst að listaverkinu sem er við fætur okkar þá sjáum við fegurð sem er alveg ótrúleg. Landslag Íslands er ekki eingöngu fallegir fjallstoppar og jöklar. Það er síðast en ekki síst fegurð hins mjúka og smáa sem svo margir ganga yfir en sjá ekki vegna þess að við gleymum að horfa á það sem er næst okkur.

Í myndum Árna koma fyrst og fremst fram hughrif frá náttúrunni. Þessar myndir spegla nokkurs konar ferðalag um heiðalönd, með gróðurbölum, tjörnum, leirbleytu og keldudrögum eða gróðursnauð holt. Þó víða bregði fyrir blákynjuðum tónum í myndunum er það ekki blámi hárra fjalla né stórbrotið landslag sem þarna ráða för, heldur smærri litbrigði jarðarinnar, blæbrigði í grjóti með mosaskófum og fléttum, þessum viðkvæma hálendisgróðri, sem löngum var hér helsti litagjafi til hannyrða og listsköpunar. Árni leikur sér með skuggaskipti á vatnsfleti, stundum kulda og heiðríkju, en í annan stað bregður fyrir dulmagnaðri birtu í holti og mó. Áhorfandinn finnur líka glaða sólskinsstemmningu og káta liti. Áhrifin frá þessari lágstemmdu litasinfóníu vefur Árni fínlega saman í myndrænar heildir á strigaspeldinu.

Myndirnar vekja hughrif, sem minna á gönguferð um eyðilendur, þar sem litir og form raðast í ákveðna hrynjandi í myndrúminu. Þó að litaspilið sé óhlutkennt, finnur horfandinn næstum áþreifanlega fyrir því hvert förinni er heitið. Handan við grágrænan ásinn er kannski skær birta, sólgulir blettir í brekku og bergvatn við gljáðan klettavegg.

Árni hefur víðar leitað fanga við myndmótun sína en í íslenskri náttúru. Hann var um tíma upptekinn af ýmiskonar togstreitu í mannlífinu, svo sem stríðsátökum, sem voru býsna nærri okkur á síðasta áratug tuttugustu aldar, meðan mest gekk á á Balkanskaga. Áhrif frá þessum blóðugu átökum skiluðu sér í nokkrum mynda Árna frá þessum tíma. Sumar þeirra voru beinlínis hrópandi, líkt og opin und, jafnvel óþægilegar. En hann hefur í seinni tíð lagt meira upp úr kyrrlátari átökum, litaspili í umhverfi okkar. Átökin felast nú fremur í dulmögnun litatónanna innan myndrammans. Þau eru miklu fremur undir áleitnum áhrifum frá margbreytileika náttúrunnar en áreiti stundlegra atburða.

Árni Rúnar Greinar

	Fléttur - Árni Rúnar sýnir í Art-Iceland Árna Rúnari nægir að hafa einn mosavaxinn stein til þess að fá hugmyndir. “Í einum slíkum get ég fengið næga inspírasjón fyrir óteljandi myndir. Þegar ég ferðast um landið tek ég gjarnan myndir sem ég get síðan notað sem innblástur á veturna þegar ég hef ekki alla þessa liti náttúrunnar í kringum mig”
	Myndlistarsýning í Miðstöð símenntunar Galleríið Art-Iceland opnaði myndlistarsýningu í samstarfi við Miðstöð Símenntunar Hafnarfirði laugardaginn 3ja febrúar. Sýningin hófst með opnun að Skólabraut 1, þar sem Lækjarskóli var áður til húsa. Myndverk tíu listamanna eru sýnd.
	Smámyndasýning - "Tvær í einu höggi" - Jólin 2006 Laugardaginn 9. desember opnaði smámyndasýning í Art-Iceland.com á Skólavörðustíg 1a. Sýning Gunnars S. Magnússonar og Álfheiðar Ólafsdóttur "List hjartans" lauk og við tók smámyndasýning. Sýndar eru fjölmargar nýjar smámyndir eftir listamennina sem eru í galleríinu Art-Iceland.com.
	Orkuflæði - sýning Fyrsta samsýning Art-Iceland.com opnaði þann 29. júlí í Mublunni Kópavogi. Listamennirnir sem renna á vaðið eru: Árni Rúnar Sverrisson, Helga Sigurðardóttir og Álfheiður Ólafsdóttir.

Árni Rúnar - Myndir af verkum

Fléttur 1 (145x145 cm)
Árni Rúnar Sverrisson
490.000 Kr.

Fléttur 2 (90x90 cm)
Árni Rúnar Sverrisson
SELD

Fléttur 3 (90x90 cm)
Árni Rúnar Sverrisson
270.000 Kr.

Fléttur 4 (145x145 cm)
Árni Rúnar Sverrisson
490.000Kr.

Fléttur 5 (90x70 cm)
Árni Rúnar Sverrisson
220.000 Kr.

Fléttur 6 (90x70 cm)
Árni Rúnar Sverrisson
220.000 Kr.

Fléttur 7 (120x90 cm)
Árni Rúnar Sverrisson
870.000 Kr.

Fléttur 8 (180x195 cm)
Árni Rúnar Sverrisson
870.000 Kr.

Nám

1974-1977 Iðnskólinn í Reykjavík Reykjavík Ísland Sveinspróf
1984-1985 Myndlistaskólinn í Reykjavík Reykjavík Ísland
1987-1988 Myndlista-og handíðaskóli Íslands Reykjavík Ísland
Vinnustofur/dvöl
1999-2000 Straumur - alþjóðleg vinnustofa Hafnarfirði Ísland 5 mánuði
1999 Vinnustofa í Palermo Sikiley Ítalía 4 mánuðir

Einkasýningar

1989 Mokka Kaffi Reykjavík Ísland
1993 Gerjun Portið Hafnarfjörður Ísland
1994 Hamráð Ásmundarsalur Reykjavík Ísland
1996 Listhús 39 sölugallerí og sýningarrými Hafnarfjörður Ísland
1996 Eyja hugans Gallerí Hornið Reykjavík Ísland
1998 Með hækkandi sól Gallerí Hornið Reykjavík Ísland
2000 Hugbúnaðarfyrirtækið AX Reykjavík Ísland
2000 Listamiðstöðinn Straumur Hafnarfjörður Ísland
2000 Lúkas 24, Deiglunni Akureyri Ísland

Samsýningar

1983 Listasafn ASÍ Reykjavík Ísland
1995 Stefnumót trúar og listar - Andinn Hafnarborg, menningar- og listastofnun Hafnarfjarðar Hafnarfirði Ísland
1997 Myndlist '97 Hafnarhúsið Reykjavík Ísland

Verk í opinberri eigu

1994 Búnaðarbanki Íslands Reykjavík Ísland
1994 Búnaðarbanki Íslands Reykjavík Ísland
1994 Hitaveita Reykjavíkur Reykjavík Ísland
1994 Seðlabanki Íslands Reykjavík Ísland
1998 Búnaðarbanki Íslands Reykjavík Ísland
1998 Búnaðarbanki Íslands Reykjavík Ísland

Verk í annarra eigu

Ýmsir einkaaðilar / Several
1994 Sjóvá - Almennar Tryggingar Reykjavík Ísland
1997 FÍB - Félag íslenskra bifreiðaeigenda Reykjavík Ísland
1999 Skref fyrir skref ehf Reykjavík Ísland

Meðlimur félaga

FÍM - Félag íslenskra myndlistarmanna
SÍM - Samband íslenskra myndlistarmanna

Umfjöllun

1993.08.10. Morgunblaðið Eiríkur Þorláksson Gerjun Gagnrýni
1994.09.30. Morgunblaðið
1994.10.01. Morgunblaðið
1994.10.11. Morgunblaðið Bragi Ásgeirsson Farvegir Gagnrýni
1994.10.15. Morgunblaðið
1995.06.27. Morgunblaðið
1996.07.06. Morgunblaðið
1996.07.13. Morgunblaðið
1996.07.16. Morgunblaðið Bragi Ásgeirss. Litasinfón Gagnrýni
1996.07.28. DV Viðtal Eyja hugans
1996.09.19. Morgunblaðið
1998.01. RÚV - Sjónvarpið Dagsljós
1998.01. RÚV - Sjónvarpið Fréttir
1998.01.03. DV
1998.01.03. Morgunblaðið
1998.01.14. Morgunblaðið
1998.01.17. Morgunblaðið
1998.01.21. Morgunblaðið Jón Proppé Með hækkandi sól Gagnrýni
2000.03.25. Morgunblaðið Bragi Ásgeirsson Órói á myndfleti (Gagnrýni)