“Tvær í einu höggi”

í Art-Iceland.com laugardaginn 9.des. 2006

Laugardaginn 9. desember kl. 13:00 bjóðum við ykkur velkomin á smámyndasýningu í Art-Iceland.com á Skólavörðustíg 1a Gunnar S. Magnússon og Álfheiður Ólafsdóttir ljúka sýningunni List hjartans og við tekur smámyndasýning. Við verðum með fjöldan allan af nýjum verkum eftir listamennina sem eru í galleríinu Art-Iceland.com Smámyndasýningin stendur yfir til 15. janúar 2007.

Listamennirnir og Art-Iceland.com gefa 10% af allri sölu af smámyndasýningunni til Barnaheilla.

Rúsínan í pylsuendanum er að KK tónlistamaður skemmtir gestum og gangandi frá kl 13:00. Því miður vitum við ekki hvað hann hefur langan tíma í jólaösinni til að spila þannig að við hvetjum fólk að vera komið á staðinn stundvíslega. Við hlökkum til að sjá ykkur öll og njóta þess að hlusta á ljúfa tóna KK samhliða því að skoða fallega myndlist.

Í desember verður opið í Art-iceland.com sem hér segir:
Til 14. desember er opið frá kl. 11:00-18:00
Frá 15. - 22. desemeber er opið frá kl. 11:00-20:00
Á Þorlálksmessu er opið frá kl.11:00-23:00
Aðfangadag jóla er opið frá kl. 12:00-14:00


Listamennirnir sem verða með verk á smámyndasýningu að þessu sinni eru:

Sigurður Örlygsson - Fjölbreyttar myndir unnar með vatnslit og akríl.
Helga Sigurðardóttir – Kraftmiklar og litríkar myndir unnar með pastelkrít á velúr pappír. Hugmyndin er fengin frá orku jarðar,
Árni Rúnar Sverrisson – Olía á striga. Vinnur út frá hugmyndinni: Frumgróður jarðar.
Inga Dóra Guðmundsdóttir – Stafræn prent, ljósmyndir unnar í tölvu.
Ester Jóhannesdóttir – Blönduð tækni, olía og oft sprungumálning í bland og einnig grjótmulningur sem undirlag.
Álfheiður Ólafsdóttir – Olía á striga. Abstrakt verk og landslag málverk.
Helga Sigurðardóttir – Snæfelljökull er þemað hjá helgu, hún vinnur í vatnslit á þessari sýningu.
Kjartan Guðjónsson – Olía og guashmyndir.
Max – Vatnslitur og blönduð tækni.
Kristín Pálmadóttir – Hún er grafíklistakona og vinnur mjög sérstök grafíkverk, sem eru 1/1 og eru þrykktar í olíulit.
Ástrós Þorsteinsdóttir – Kirkjur og skúlptúrar úr leir, fyrirmyndin af kirkjunum er kirkjan í Stykkishólmi.
María Jónsdóttir – Hún býr til píramita úr rúðugleri. Þeir eru allir númeraðir frá 1-44
Matthildur Skúladóttir – Vinnur verk úr steindu gleri, bæði lampa og myndir í glugga.
Jóhann G. Jóhannsson – Notar blandaða tækni í sín verk. Við sjáum Íslenskt landslag úr verkunum.
Steinunn Einarsdóttir – Vestmannaeyjar eiga hug hennar allan. Hún er með ljúfar myndir frá eyjum.
Anna Sigríður Sigurjónsdóttir – Býr til skúlptúra úr járni og grjóti.
Svandís Egilsdóttir – Vinnur sérstæð verk úr vatnslit og olíu. Það má geta þess að hún er með sérstöðu að því leiti að hún býr til litlar skemmtilegar myndir sem henta nýburum.

Við bendum fólki á vefinn www.Art-Iceland.com til að skoða verk listamannana nánar.

Nýjar greinar á Art-Iceland.com

María Jónsdóttir - sýning í Art-Iceland.com
María Jónsdóttir opnaði sýningu í Art-Iceland.com Skólavörðustíg 1a þann 29. október 2006. Hún sýndi verk sem eru unnin á síðastliðnum tveimur árum.
Hún var mest í olíulitum framanaf en um 1970 fór hún að mylja grjót og gera myndir úr því jafnhliða ýmsu öðru s.s. leirmótun, útsögun, útskurði, klippimyndum og prjónaskap og mörgu fleira.

Á mótum tveggja tíma & Hátíð í bæ
Tvöföld sýningaopnun í Þjóðminjasafni Íslands
laugardaginn 2. desember 2006.
Ljósmyndasýningar Þjóðminjasafnsins eru hver annarri forvitnilegri og 2. desember verða opnaðar tvær nýjar í Myndasalnum og á Veggnum.

Álfheiður og GSM - List Hjartans
Gunnar S. Magnússon og Álfheiður Ólafsdóttir opnuðu sýningu í galleríinu Art-Iceland.com Skólavörðustíg 1a. Gunnar S. Magnússon sýnir portrait teikningar sem eru unnar á milli 1950 - 2000. Álfheiður opnar flóðgáttir tilfinninga og færir yfir á léreftið í óheftu litaflæði.

Keilir - Tónlist: Jóhann G. Jóhannsson
Snemma árs 1995 hóf ég að vinna mynverk sem ég kallaði Tindaseríur, þriggja mynda verk sem byggja á formi þríhyrnings. Fjallið Keilir er kveikjan að þessu viðfangsefni. Ég keyri oft Suðurgötuna og þá blasir Keilir við í mismunandi birtu. Þessi sýn greiptist í hugan og varð svo til þess einn daginn á vinnustofunni að ég gerði minn fyrsta tind.

Bestu kveðjur,
Álfheiður Ólafsdóttir
Þrándur Arnþórsson

Íslensk List - Ljós og Lifandi

Skólavörðustíg 1A

562 2890 / 698 2919