Íslenski list - ljós og lifandi

Ólátagarður

Vetrarhátíð í Reykjavík 2007 - Kartöflugeymslunni í Ártúnsbrekkunni.

Um sýninguna:

Sýningin var sett saman af Ómari Ómari Ágústssyni fyrir hönd áhugamannafélagsins TFA, sem hefur starfað frá 1998. Tilgangur sýningarinnar var m.a. að ýta á eftir opnu bréfi sem sent var til Borgarstjóra 18.desember sl. þar sem tillögur að samstarfi borgar og TFA til að beturumbæta Graffiti-listina á höfuðborginni var lögð fram. Sýningin átti að sýna fram á jákvæðar hliðar Graffiti og þá ótrúlegu breidd og takmarkaleysi sem býr þar að baki í listsköpun. Sýningin er fyrsta skrefið í aðgerðum TFA til að koma á fót listasamfélagi meðal Graffiti listamanna og fjölga löglegum svæðum fyrir listina. Öllum listamönnum sýningarinnar var gefið 100% frelsi í því sem þeir sýndu og fengu að vera með í öllum verkþáttum frá fyrsta degi til hins síðasta.

Ólátagarður, Vetrarhátíð í Reykjavík

Frankensteini

"Public Pervert"

Máluð mynd af Silvíu Nótt. Mynd var gerð með því að varpa mynd á glæru með myndvarpa á vegginn. Þá var bakgrunnur málaður, útlínur teiknaðar og svarta málað með málningarpennum og pensli. Letur skrifað með málningapenna.

Ólátagarður, Vetrarhátíð í Reykjavík

Sæmundur Þór

"Múrverk"

Hlaðinn veggur með sérstökum kork-kubbum frá Víking-hús. Steypt var innan í vegginn og múrað á yfirborð hans. Loks var grunnmálað og svo málað verk á aðra hliðina með úðabrúsum. Framkvæmd verksins var svo varpað á auða helming veggsins meðan á sýningunni stóð. Að lokinni sýningu verður veggur svo brotinn niður og er það hluti verksins sjálfs og verður tekið á video.

Dragðu andann djúpt, finndu hvernig ferskur andblær hreinnar sköpunargleði rennur um lungun. Opnaðu augun, líttu í kring um þig og sjá, þetta er framtíð hönnunar og lista í hnotskurn. Opnaðu eyrun og leyfðu tónlistinni að leiða hugarflugið í gegnum garðinn.

Horfðu loks í kring um þig og veltu því fyrir þér hversu fallegir steyptu frumskógarnir gætu orðið ef listin fengi andrými til að vaxa og blómsta á yfirborði þeirra.

-Börnin í Ólátagarðinum

Ólátagarður, Vetrarhátíð í Reykjavík

Njóttu hreyfilistarinnar, njóttu ljósmyndanna og dáðstu að málverkunum. Ekki láta neitt fram hjá þér fara, ekki einu sinni haugana vítt og breitt um rýmið sem allir bera vitni um núverandi stöðu listformsins. Tylltu þér á bekkina og fylgstu með öðrum gestum njóta sýningarinnar.

Ólátagarður, Vetrarhátíð í Reykjavík

Tom Jiroe og Sigrún Sygee
Verkið "Flying Eyeballs" eftir Tom Jiroe og Sigrúnu Lýðsdóttur er sambland af graffiti og visuals. Strigar tengdir verkinu eru eftir Tom Jiroe.

Þrjú málverk eftir Jiroe, máluð á spónarplötur með penslum, pennum og úðabrúsum.

Samsuðuverk eftir Jiroe og Sygee þar sem bakgrunnur var málaður með úðabrúsum. Bakgrunnurinn myndaði fleti fyrir grafíska hreyfimynd sem varpað var með skjávarpa á vegginn. Að auki var skorið út plastefni til að framlengja þrjá hluta verksins útfyrir myndflötinn.

Ólátagarður, Vetrarhátíð í Reykjavík

Atli Rúnar

"Krossgötu umferðaljós" Myndasería af götum höfuðborgarinnar að kvöldlagi.

Tækni: Myndirnar voru framkallaðar í hefðbundinni stærð og stækkaðar. Þá var úðað málningu yfir hluta myndanna með úðabrúsa og þeim blandað saman á mismunandi vegu.

Ólátagarður, Vetrarhátíð í Reykjavík

Ólafur Guðmundsson

Úðabrúsaverk á striga frá samsýningu sl.nóvember í gallerí Banananas

Innsetningar með hlutum frá stöðum í borginni sem hafa merkingu fyrir íslenskt Graffiti

Kinkaid

Ljósmyndir úr safni, stækkaðar.

Innsetningar með hlutum frá stöðum í borginni sem hafa merkingu fyrir íslenskt Graffiti

Orri

Málverk með blandaðri tækni í grátónum.

Bakgrunnur var málaður með penslum, úðabrúsum og málningarpennum á veggplötur. Þá voru tvær portrettmyndir í grátónum hengdar á vegginn ásamt auðum striga. Loks var bakgrunnur málaður inn á strigana þrjá.

"svaf í gegn á vökunni"

M Noem

Ljósmyndir úr safni, stækkaðar.

Ljósmyndir frá 2006 ásamt visuals innblásnir af gömlum tölvuleikjum.

Karl Kristján Davíðsson

Málverk á striga. Öll verkin eru gerð með blandaðri tækni úr úðabrúsum, pennum, málningu og öðru tiltæku
Málverk með blandaðri tækni.

Geoffrey Huntingdon

6 strigaverk, gerð með blandaðri tækni teikninga með blýanti, penna, stenslum, úðabrúsum, límbandi og málningarpenslum. Að auki voru tvær myndir prentaðar á striga með nærmynd af úðabrúsatöppunum sem notaðir voru við gerð hinna myndanna.
Strigaverk í litabaði, samleikur óreglu og raðar.

Iloheem
Innsetningar

Álfheiður Ólafsdóttir