Álfheiður Ólafsdóttir sýnir olíumálverk á Thorvaldsen bar 17. febrúar til 31. mars 2007.
 

 

Thorvaldsenbar er vinalegur bar í Austurstræti.  Hann er skemmtilega innréttaður og er vel til þess fallinn að vera með myndlistasýningar.  Þar er hægt að fá sér góðan mat á daginn og skemmta sér með lifandi tónlist á kvöldin, fram eftir nóttu.

Vorbirtan á barnum var falleg þegar við komum með myndirnar á sýninguna.
 

 

Thorvaldsenbar er vinsæll bæði af íslendingum og erlendum gestum.  Fyrir kl. 11 á morgnanna eru mættir gestir sem bíða eftir að komast inn til að fá sér hressingu.
 

 

Emil O. Olafsson sýningarstjóri hefur í nógu að snúast.  Bæði á barnum og við skipulag myndlistasýninga. 
 

 

Myndirnar eru eins og sniðnar á veggina.
 

 

Emil setti upp límstafi fyrir neðan myndina "Í fótspor feðranna".  Þar stendur heiti sýningarinnar, nafn listamanns og tímasetning.  Hann valdi hvítt letur sem sker sig vel út á móti dökkum veggnum.
 

 

Við Þrándur fórum út að borða um kvöldið á barnum. Hvert einasta sæti var frátekið.  Á reyklausa svæðinu var pantað borð fyrir 50 manns.  Þá var tekið það til bragðs að opna inn í Bertelstofu sem er handan við hurðina sem sést á þessari mynd.  Var sannarlega glatt á hjalla á langborðinu sem náði veggja á milli tveggja sala.
 

 

Við eitt borðið sat stelpa sem var að vinna á fartölvu.  Það er nokkuð algengt að ungt fólk úr háskólunum tylli sér niður á barnum og vinni í verkefnum fyrir skólann.

Álfheiður Ólafsdóttir