Álfheiður Ólafsdóttir
Líf framundan

Sýning í Art-Iceland 20. október til 3. nóvember 2007

Við getum séð tröllamyndir greinilega í klettum og hólum, ef við horfum með athygli, en fæstir vilja viðurkenna ef þeir sjá eitthvað. Hver veit nema einhver sé að fylgjast með okkur þó að við höldum að við séum ein á gangi úti í guðsgrænni náttúrunni ?

Enda er það feimnismál og við erum álitin stórskrítin að tala um álfa, hvað þá að viðurkenna tilvist þeirra. Sýningin Líf framundan er máluð beint af fingrum fram þar sem liturinn er látinn flæða yfir léreftið ósjálfrátt og óhindrað. Álfarnir streyma í gegn og birtast á striganum ósjálfrátt og óvænt.

“Ég ætla að eftirláta áhorfendum að spinna sögur út frá myndunum þannig að hver og einn sjái myndirnar með sínum augum”

Álfheiður er alin upp austur í Fljótshlíð þar sem álfabrenna er árlegur viðburður og þjóðtrúin sterk.

Barn sem elst upp við sögur af álfum, vættum, sækúm og tröllum geymir með sér sögurnar og nýtir sér ævintýri þeirra sagna seinna á ævinni.

Álfheiður Ólafsdóttir - Líf framundan

Svipmyndir frá opnuninni.

Álfheiður Ólafsdóttir - Líf framundan

Charlotta, Helga og Senin.

Hljómsveitin XBand skemmti gestum.

Atli Viðar Jónsson á gítar, Sveinn Larsson trommur,
Eiður Örn Eiðsson munnharpa og söngur og
Pétur Hjálmarsson á bassa.